Xəbərlər

ƏMANƏTLƏRİN SIĞORTALANMASI FONDUNUN NÜMAYƏNDƏ HEYƏTİ İSTANBULDA BEYNƏLXALQ ƏMANƏTLƏRİN SIĞORTALANMASI ASSOSİASİYASININ İLLİK TOPLANTISINDA İŞTİRAK ETMİŞDİR

17 Okt 2019

Azərbaycan Əmanətlərin Sığortalanması Fondunun nümayəndə heyəti 8-11 oktyabr 2019-cu il tarixlərində Türkiyənin İstanbul şəhərində Beynəlxalq Əmanətlərin Sığortalanması Assosiasiyasının  (IADI) illik toplantısında və  İADİ-yın Avrasiya və Asiya – Sakit Okean Regional Komitələrinin iclaslarında iştirak etmişdir.

80 yaxın ölkənin əmanətlərin sığortalanması fondlarının nümayəndələrinin qatıldığı tədbirdə bu sahədə aparılan islahatlar, iqtisadi böhran və böhrandan sonrakı dövrlərdə əmanətlərin sığortalanması və bank sisteminin zəif banklardan təmizlənməsi, bankların ləğv prosesi, İADİ-yın 2020-cü il üçün planları və budcəsi müzakirə edililb.

Əmanətlərin Sığortalanması Fondunun icraçı direktor vəzifəsini icra edən Vüqar Abdullayev Türkiyə, Rusiya, Qazaxstan, Ukrayna, Qırğızıstan və digər ölkələrin nümayəndələri ilə müzakirə aparmış və ölkədə əmanətlərin sığortalanması sisteminin təkmilləşdirilməsi barədə məlumat vermişdir.